Nagpuon na liwat magsagibo nin limitadong workout ang NBA star na si Jimmy butler mantang nasa kasagsagan kan offseason.
Presenteng nasa recovery stage ang Golden State Warriors forward kasunod kan saiyang sinapar na anterior cruciate ligament injury kan January 2026.
Sa ngunyan, wara pang clearance saiya nganing magsagibo nin ‘full contact practice’ kaya limitadong workout pa sana an pigtutugutan saiya.
Nagin matrayumpo an operasyon para ki Butler kan February 2026 asin piglalaomang dagos na makakabalik sa pagkawat sa midseason, o katahawan kan NBA regular season.
Posibleng mangyayari ini sa huring parte kan 2026 o enot na parte kan 2027, alagad depende man liwat ini sa progreso kan saiyang rehabilitasyon.
Bago an injury ni Butler, namantinir niya an average na 20.0 points, 5.6 rebounds, asin 4.9 assists per game.
Sa katatapos na season, nakapagkawat siya bilang starter sa 38 games asin namantinir an episyenteng 51.9% shooting.
