LEGAZPI CITY-Idineklara kan gobierno kan Pennsylvania an Hulyo 24 bilang “LeBron James Day” kasunod kan pag-pirma kan NBA superstar sa kanyang kontrata sa Philadelphia 76ers.
Tulos na nagluwas nin proklamasyon si Pennsylvania Governor Josh Shapiro bilang pagbisto sa makasaysayang karera ni James, sa saiyan mga nakuang rekord, asin sa piglalaomang ambag niya sa koponan kan Philadelphia.
Sa saiyang pahayag, binalikan ni Shapiro an nagkapirang pinakadakulang trayumpo ni James kaiba an apat na NBA championships, pagigin all-time leading scorer kan NBA poon 2023, pagkagana kan kadakol na Most Valuable Player (MVP) awards, tulong Olympic gold medals, asin 22 beses na pagkakapili bilang NBA All-Star.
Apwera sa saiyang kakayahan sa basketball, tinawan man nin duon kan gobernador an mahiwas na kontribusyon ni James sa mga komunidad sa paagi kan manlaen-laen na programa sa edukasyon asin ekonomiya na saiyang pag-kampeon.
Kabali digdi an pagtabang sa mga jovenes na warang eskwelahan, pagtao nin scholarship asin suporta sa kolehiyo sa mga estudyante, pagtugdok nin pabahay, asin paghatod nin pagkakan, bulong, asin iba pang social services sa mga nangangaipo.
Segun ki Shapiro, patunay an mga nasabing aktibidad kan dedikasyon ni James sa pagtabang sa kapwa asin pagtao nin inspirasyon sa milyones na jovenes asin pamilya.
Magigirumdoman na si James nagpirma nin duwang taon na kontrata na nagkakantidad nin $8 milyon sa Philadelphia 76ers, kun saen makakaiba niya an mga kapwa MVP na si Joel Embiid asin Jalen Brown para sa masunod na yugto kan saiyang karera sa NBA.
