LEGAZPI CITY-Nagsagibo nin mga misa sa mga lugar kan US terror attacks bilang paggirumdom kan ika-25 anibersaryo kan pangyayari.
Susog ki Archbishop Paul Coakley kan Oklahoma City, an Presidente kan US Conference of Catholic Bishops, an mga pag-obserbar na ini mangyayari sa mga lugar kabali an New York City, Washington D.C., asin Pennsylvania.
Marurumduman na apat na commercial plane an pig-hijack kan mga grupong Al-Qaeda, kun sain an eroplano nahulog sa World Trade Center, sa Pentagon, asin sa Shanksville, Pennsylvania.
An mga pag’atake, guminadan nin nasa 2,977 katawo, kabali an 441 na mga enot na nagresponde.
Gigirumdumon man ni US President Donald Trump an ika-25 anibersaryo kan 9/11 attack sa paagi nin pagtao nin pag’omaw sa Ground Zero.
Si Trump nakaiskedyul na magbisita sa Pentagon—saro sa mga lugar kun sain buminagsak an eroplano asin piglalaoman na magduman sa National September 11 Memorial and Museum.
Tinawan niya man nin trabaho si Vice President JD Vance na magbisita sa World Trade Center, an lugar kun saen nagbagsak an saro sa mga na-hijack na eroplano.
