LEGAZPI CITY – Gadan an 78 anyos na paraooma makalihis na pagbabadilon sa Barangay Buang, ciudad nin Tabaco, sa provincia nin Albay.
Segun ki Tabaco City Police Station Chief of Police, Police Lieutenant Colonel Edmundo Cerillo sa intrevista kan Bombo Radyo Legazpi na padagos an ipigsasagibong imbestigasyon kan saindang ofisina mapadapit sa nangyari.
Basado man sa mga salaysay kan mga nakahiling asin kan pamilya, naglalakaw an biktima mantang may nakamotor na nagpundo sa hampangan kaini asin tulos na pinagbabadil ini nin duwang beses.
Personal niya man na kinaolay an pamilya kan biktima nganing aramon an background kaini asin napag-araman niya warang nagin kaiwal ini asin wara man ki record an barangay na imbwelto ini sa kariribukan.
Huli digdi, nagtetenir na blangko an opisyal sa motibo kan nangyaring pambabadil sa biktima.
Dae niya man pighahali an posibilidad na may kinaaraman an trabaho kaini sa nangyari saiya.
Pangapodan ni Cerillo sa publiko na tulos i-apod sa saindang hepatura enkaso may nangyari na kapareho kaining insidente, asin tulos na makipag-koordinar sa mga otoridad kun may tawo kahina-hinala ang pag-iro kaini.
