Inaprubaran ni Pope Leo XIV ang pagkakaelihir ki Cardinal Luis Antonio Tagle bilang bagong Dean kan College of Cardinals, saro sa mga pinakahalangkaw asin pinakaimportanteng posisyon sa Simbahang Katolika.
Si Tagle, na presenteng nagsisirbi bilang Pro-Prefect kan Dicastery for Evangelization’s Section for First Evangelization and New Particular Churches, ang maribay sa pwesto nganing pamayuhan an lupon nin mga kardinal sa bilog na kinaban.
Rinibayan kan Pilipinong kardinal si Cardinal Giovanni Battista Re, na nanungkulan bilang Dean kan nasabing lupon puon pa kan Enero 2020.
Bilang bagong Dean kan College of Cardinals, kapot na ngunyan ni Tagle an mandato na pangasiwaan ang mga opisyal na pagpupulong kan mga kardinal pag may importanteng isyung pigkakahampang an Simbahan.
Kabale man sa pangenot na mandato kan Dean ang pag-apod asin pagpadalagan kan Papal Conclave o ang proseso kan pagelihir kan bagong Santo Papa en kaso mabakante ang posisyon sa Vatican.
