LEGAZPI CITY-Kinumiprma kan Commission on Elections (Comelec) na igwa pang siyam na iba pang contractors an nagtao nin donasyon sa nagkapira pang mga kandidato kan nakalihis na eleksiyon 2022.
Segun kay Comelec Chairman George Erwin Garcia, pito hale digdi an nagtalaga nin donasyon para sa kampaniya kan nagkapirang senador, kongresista asin nagkapirang political party-lists.
Nagluluwas suboot na sarong contractor an nagtao nin donasyon sa 2-3 kandidato mantang an sarong kandidato man an nakinabang hale sa tulong construction company.
Nagsumiter man an Comelec ngonian nin listahan kan mga kontratista na natawanan kan mga flood control projects na siya suboot an nagtao nin kadugangang pondo sa mga nagkakandidato kan 2022 elections.
Minetrastanto, nakatalaan man na isumiter kan komisyon an bagong siyam na iba pang contractors saaga sa House of Representatives (HOR) bilang kadugangang ebidensiya para sa padagos na pagiimbestiga kan mga maanomalyang flood controls projects na ini.
