Nag-abot na sa nacion an kadugangang pang walong Pilipinong caregivers gikan sa Israel.
Kinumpirmar kan Department of Migrant Workers (DMW) na lumapag sa Ninoy Aquino International Airport (NAIA) an piglulunadan kan repatriated Filipinos kan Miyerkules na banggi.
Sinabat sinda kan mga opisyal gikan sa DMW, Department of Social Welfare and Development (DSWD), Overseas Workers Welfare Administration (OWWA) asin medical teams gikan sa Manila International Airport Authority.
Tinawan man an mga ini nin temporary housing, transportation asin health checkups.
Nagpromesa man an Department of Migrant Workers asin OWWA na pagtao nin kabuhayan, trabaho asin tabang pangsalud para sa mga Filipino returnees.
Ini na an ika-38 batch kan mga OFWs na na-repatriate gikan sa Israel puon kan pinuonan kan gobyerno an voluntary repatriation program kaini kan sumiklab an October 7 attack kan 2023.
Ini man an ikaduwang grupo na napauli sa nacion puon kan magribayan nin missile asin air strike an Iran asin Israel kan Hunyo 13, 2025 bago ipaotob an ceasefire kan Hunyo 24 sa pagultangan kan duwang nacion.
Sa kabilogan, basado sa datos gikan sa Embahada kan Pilipinas sa Tel Aviv, nasa 1333 na an na-repatriate gikan Israel kan October 7, 2023 hanggang Hunyo 12, 2025.
