Epektibo na an ceasefire o tigil-putukan sa pagultangan kan Israel asin Lebanon kan Abril 17.
Piglalaomang mapapundo ini sa anom na semanang labanan sa pagultangan kan Israel asin Lebanese armed group na Hezbollah.
Sa ibong man kan pagiging epektibo kan ceasefire, padagos na nagpakawala nin rocket an Hezbollah sa northern Israel mantag naireport man an nagpadagos an mga pag-atake kan Israel makalihis an kabangang oras kan maging epektibo ang ceasefire.
Ipigdoon man kan Israel na magtitinir an saindang mga tropa sa mga lugar na saindang inokupa sa southern Lebanon.
May mga Lebanese na man an nagpuon na magsibalikan sa southern Lebanon na naging sentro kan mga pag-atake kan Israel, asin pigtutubudang kuta asi dakol na presensya kan Hezbollah.
Mientrastanto, pirang namamanwaan man sa manlaen laeng parte kan Lebanon an nagselebrar sa mga tinampo makalihis magin epektibo na ang ceasefire.
Maogma man na tinanggap kan Iran an 10-aldaw na ceasefire alagad nangapudan para sa ganap na pag-atras kan mga tropa kan Israel hale sa Lebanon.
Positibo naman si US President Donald Trump na magkakaigwa na nin kasunduan nganing matapos na man an giyera sa Iran kasunod kan ceaserfire agreement kan Israel asin Lebanon. Ini an sa tahaw na man kan piglalaoamang pagpapadagos kan mga negosasyon ngunyan na weekend.
