Nag-abot na sa labi 7,600 overseas Filipino workers (OFWs) asin saindang mga dependent ang ligtas na nakabalik sa Pilipinas hale sa Middle East puon Marso 5 hanggang Abril 25, sa tahaw kan padagos na tensyon sa rehiyon.
Susog sa Department of Migrant Workers (DMW) 36 OFWs asin duwang dependent an nag-abot sa Ninoy Aquino International Airport Terminal 3 lunad kan magkahiwalay na commercial flights.
Sinabat sinda kan DMW asin Overseas Workers Welfare Administration (OWWA) nganing tawan nin financial assistance, transport services, asin paramientras na maiistaran.
Sa kabilogan, sinabi kan DMW na 7,674 OFWs asin dependents na ang nakabalik hale sa rehiyon, kun sain 7,051 ang na-repatriate sa tabang kan gobierno. Kabale digdi an 5,669 OFWs asin 1,382 dependents.
Sienerto kan ahensya na padagos na pigpapakusog kan gobierno an repatriation asin reintegration programs alinsunod sa direktiba ni Presidente Ferdinand Marcos Jr. nganing masierto an kaligtasan asin maayos na pagbabalik kan mga OFW sa nacion.
