LEGAZPI CITY—Suminakat na sa limang insidente nin kasulo an nairehistro sa rehiyon kan Bicol puon kan Disyembre 24 sagkod Disyembre 26, 2025.
Segun ki Bureau of Fire Protection Bicol Public Information Officer Senior Fire Officer 3 Cherrie Brigola, sa intrevista kan Bombo Radyo Legazpi, tolo sa insidente nin kasulo an nairehistro gikan sa provincia kan Camarines Sur, saro sa provincia kan Sorsogon, asin saro sa Masbate.
Padagos man an imbestigasyon kan saindang ahensya mapadapit sa mga nasambitang insidente nganing magin konkreto an maipaluwas na datos.
Dugang kan opisyal na padagos man nindang pigpapahigot an kampanya Oplan Palaala Iwas Paputok sagkod sa pagsabat kan Bagong Taon.
Nakikipagtabangan man suboot an saindang ahensya sa kapulisan nganing maaraman kun may mga pigpapabakal nin ilegal na paputok sa mga tiendahan kaini siring man an pag-check kun nagsusunod sa fire safety requirements.
Mientrastanto, pig-asigurar man kan ahensya na preparado sindang magtabang sa namamanwaan na nangangaipuhan nin pagresponde o tuyong emerhensya ngunyan na holiday season.
