LEGAZPI CITY – Ipighayag kan sarong weather specialist na may tulong weather systems an nasa laog ngonian kan Philippine Area of Responsibility.
Segun ki Masbate weather Specialist Christian Allen Torevillas sa intrevista kan Bombo Radyo Legazpi na Intertropical Convergence Zone an nakaka-apektar sa Southern Mindanao, shearline an nakak-apektar sa Eastern Section kan Northern Luzon asin Northeast monsoon o amihan an namamatean sa natatadang parte kan Nprthern Luzon.
Huli suboot sa Easterlies an may mga lugar man sa Bicol Region na nakakamate nin maray na panahon alagad kabaligtaran man sa ibang lugar partikulamente na sa mga coastal areas na namamatean tuyong banggi o maagahon.
Patanid niya man na pwedesir na magkawsa nin mga pagbabaha asin pagrasay ninda an mga lugar na tatamaan nin mga thunderstorms.
Pagdoon pa kan nasambitang weather specialist na warang namomonitor na nabibilog na Low Pressure Area sa laog asin luwas kan Philippine Area of Responsibility alagad kun pagbabasehan an Tropical Cyclone Threat potential Forecast an may tyansang may mabilog na raot nin panahon sa masunod na semana.
Kalimitan suboot sa mga nabibilog ngonian na mga bagyo an pwedesir tumama o magrani sa kadagaan kan Pilipinas huli ta pigtutulak ini kan amihan.
May posibilidad man na may mabilog na 2 sagkod 3 bagyo an pwedesir maglaog sa Philippine Area of Responsibility ngonian na Nobyembre mantang 1 sagkod 2 bagyo man sa bulan nin Disyembre.
Pagirumdom ni Torevillas sa publiko na permihang mag-antabay sa mga opisyal abiso kan state weather bureau asin dae paglingawan magdara nin payong laban sa mga pabugso-bugsong mga pag-uuran.
