LEGAZPI CITY — Irido an tulong Philippine National Police (PNP) personnel mantang kasabay man an sarong sibilyan sa nangyaring harassment kasubanggi sa under construction na temporary office kan Magallanes Municipal Police sa Sorsogon.
Binisto an mga nairido na sinda PO1 Rolan Geul, PO1 Sonny Son Estera, asin PO1 Melvin Bartolata mantang nabisto sana sa pangaran na “Luigi” an civilian bystander.
Susog sa imbestigasyon, sinakyada an istasyon kan pulsiya nin poco mas o menos 16 na miembro kan rebeldeng komunista kun sain nakaposisyon an mga ini sa hampang asin likudang parte kan istasyon.
Nagbalos man nin putok an mga pulis kun sain tinamaan an tulong PNP personnel asin nalugadan.
Natamaan man kan bala hale sa mga rebelde an sarong sibilyan.
Sa ngonian, nagkokondusir nin pursuit operation an kapulisan kasabay kan nagpapadagos na imbestigasyon.
