LEGAZPI CITY — Ipinadara na sa crime laboratory an nasa 17 sachet nin suspected shabu na narekober sa sarong drug personality sa Barangay Tilis, Bato, Catanduanes.
Sa intrevista kan Bombo Radyo Legazpi ki Bato Operations Officer SPO1 Joven Basillo, napag-araman na matrayumpong naarestar an suspek na si Niño Rey Marquez sa bisa kan mandamiento de aresto na bitbit kan operating team.
Napag-araman na nasa watchlist kan Virac Municipal Police si Marquez alagad mailap ini sa mga otoridad.
Dugang pa kaini na an live-in partner kan suspek na si Riza Ferera an saro man na drug surrenderee na pigmomonitor kan Bato Municipal Police asin presenteng nagsasairarom sa community based rehabilitation.
Mientras tanto, napag-araman na haros baksak presyo na an iligal na droga sa provincia ngani na madaling maipabakal katakod kan mahigot na kampanya kan kapulisan kontra digdi.
