LEGAZPI CITY – Ikinaugma kan Gobierno Provincial kan Albay na kadiit sana an nagin epekto ni bagyong Uwan kan rapaduhon kaini an Bicol Region.
Segun ki Governor Noel Rosal sa intrevista kan Bombo Radyo Legazpi na nai-paotob ninda an zero-casualty asin nagin matrayumpo an isinagibong evacuation pirang aldaw antes magrani an bagyo sa rehiyon.
Nakatutok na sinda sa presente sa clearing operation para sa mga lugar na binaha, dae maagihan na mga kakalsadahan nganing tulos na matanggal an mga debris.
Nakipag-olay na man sinda sa manhamiento kan Albay Electric Cooperative (Aleco) nganing maparikas an pagpapabalik kan kuryente sa enterong provincia.
Pigtaram pa kan opisyal na nagpaluwas na siya nin decampment order sa gabos na mga evacuation centers asin naghagad na nin kadugangang supply nin bagas nganing ibarewas sa mga residentes.
Dakulang bagay suboot an maturity kan mga Albayano na marikas na nagsunod sa abiso kan mga otoridad nganing makalikay sa mga casualty partikulamente na sa primer distrito na nagkaigwa nin storm surge.
Sa presente, uminabot na sa 20% an naibalik na supply kan kuryente sa provincia mantang sarong lahar flow an nairehistro sa banwaan kan Guinobatan.
Nagpasalamat man si Governor Rosal sa mga alkalde kan mga ciudad asin banwaan kan Albay para sa marikas asin epektibong pre-emptive evacuation para sa pagpapa-otob kan zero casualty.
