Sabay-sabay na nangapudan an mga world leaders sa Lebanon asin Iran na magpaluway-luway sana sa aksyon ngani na mapahupa an lalong nagtitinding tensyon sa Middle East.
Kasunod ini kan pagkagadan kan lider kan Hamas na si Ismail Haniyeh sa laog kan teritoryo kan Iran, na pinagtutubudang kagibohan kan Israel.
Nagadan man sa airstrike kan Israel sa Lebanon an saro sa mga commander kan Hezbollah.
Nangapudan an Estados Unidos sa Iran asin Lebanon na makipagdayalogo muna antes na maggibo nin anuman na lakdang na posibleng magpalala pa sa sitwasyon.
Maging si Italian Foreign Minister Antonio Tajani asin Iraq Foreign Minister Fouad Hussein an nagpahayag na nakahanda sindang makipagtabangan ngani na mapag-ulay an mag-inibong na lado asin maibitaran an gera.
Enot ng naghuma si Iranian Supreme leader Ali Khamenei na dae papalampason an insidente asin pagbabayadon an Israel.
Alagad dae man nahahandal digdi an Israel na nagsabing nakahanda sinda na depensaran an nasyun asin mabalos sa anuman na pag-atake.
Sa ngunyan kanselado na an biyahe nin erepuerto hali sa nagkapirang mga nasyun na pasiring sa Israel, Lebanon asin Iran.
