LEGAZPI CITY-Nagpagirumdom an Weather Specialist sa posibleng epekto kan tag-uran sa Bicol Region.
Ini makalihis an pag-abot kan Southwest Monsoon o Habagat sa nacion na makakapektar sa Western section kan Northern Luzon.
Segun kay Weather Specialist Dan Triumfante, na sa parte kan Bicol Region, magigin “good weather” afuera sa mga isolated na pag-uuran asin thunderstorms.
Basado sa saindang weather forecast, enkaso igwang mga pag-uuran asin thunderstorms, posibleng magdara ini nin pagbabaha huli sa makusog na paros pababa.
Sinabi ni Triumfante, na an naeksperyensyahang pagdaguldol asin pagkidlat sa ciudad kan Legazpi, huli sa Cumulonimbus cloud, rason ngani maghaloy ini.
Sa presente, wara man na pigmo-monitor na Low Pressure Area sa luwas kan PAR.
Alagad, dagdag pa kan opisyal na poon ngonian na bulan nin Hunyo hasta sa Bermonths, laoman an paglangkaw kan mga pagu-uran asin thunderstorms sa nacion.
