Guminadan nin walong katawo an matinding dust storm asin pag-uuran sa Punjab, Pakistan.
Susog sa report, kabale sa mga nagadan an apat na joven, mantang kadakol na iba pa an nairido.
Nagkawsa nin pagbagsak nin mga pader asin bubong an makukusog na paros asin uran, na nagin rason kan kadaklan sa mga pagkagadan.
Piglalaoman kan mga awtoridad na magpapadagos an maraot na panahon sa mga masunod na aldaw, kun kaya inabisuhan an publiko na magtenir sa ligtas na lugar.
Mientrastanto padagos man an mga operasyon kan mga rescuer asin disaster response teams nganing magresponde sa mga apektadong lugar.
