LEGAZPI CITY-Pigtuyaw ni Bise Presidente Sara Duterte an Malacañang huli sa pgsasagibo suboot nin party sa panahon kan pananalasa kan Bagyong Tino kun sain sa nasabing pagtiripon an pigpartisiparan ni First Lady Liza Araneta-Marcos.
Enot na man na pigdepensahan ni Presidential Communications Office Undersecretary Claire Castro an First Lady asin sinabing saro ining opisyal na pagtiripon asin bako sanang costume party arog kan Snow White party na inatendiran ni Duterte kan Halloween.
Nanindugan man an Bise Presidente na an pagtuyaw saiya dae nakakasimbag sa pangangaipo na mag-ogma mantang kadakol suboot an nagtitios huli sa pagtama kan bagyong Tino.
Dae man suboot dapat ibahon an atensyon kan Palasyo sa ibang isyu ngani matahoban sana an saindang mga salang gibo.
Marurumduman na nag-atendir an First Lady sa book launch kan “Philippine First Ladies’ Portraits” asin sa Goldenberg Concert Series musical event na isinagibo sa Malacañang kan Nobyembre 6 asin 7.
