Nagsumiter na kasoodma nin simbag sa impeachment court ang kampo ni Vice President Sara Duterte kun sain pigpapabasura ninda an apat na Articles of Impeachment.
Limang maleta na laog an pormal na simbag sa Articles of Impeachment ang dara kan abogado ni Duterte na si Atty. Michael Poa.
Segun ki Poa, parte kan isinumiter nindang simbag an pagkuwestyon sa constitutionality kan isinunad na kaso laban sa bise presidente. Ipigdoon kan kampo ni Duterte na dapat i-dismiss ang kaso.
Alagad nagsayuma na si Poa na magtao nin ibang detalye sa isinumiter na simbag sa impeachment court.
Nagtapos kan nakalihis na Sabado ang deadline nganing magtao nin simbag an kampo ni Duterte alagad huli sa warang sesyonan an pinalawig ini sagkod kasoodmang Lunes.
Segun pa ki Poa, tinawan muna ninda nin kopya nin simbag an House of Representatives bago sinda nagpasiring sa Senado.
