LEGAZPI CITY-Piglalaoman kan kampo ni Vice President Sara Duterte sa Korte Suprema na ibasura an motion for reconsideration (MR) na isinangat kan House of Representatives.
An nasabing MR an isinangat kan kamara makalihis na ipasawarang bisa kan supreme court an articles of impeachment laban sa bise presidente.
Basado sa ika-27 na page kan komento na ipigkokondusir na lack of merit an motion for reconsideration na ipigsangat kan House of Representatives.
Sa nasambitang mosyon kan kamara, nagkaigwa nin factual errors an desisyon kan supreme court kung sain an pang-apat na impeachment, an kumpleto na kumpara sa naenot na tulo pang isinangat.
Sinabi man kan Bise Presidente na na pignenegaran kan kamara an desisyon kan hukuman asin malinaw na diversion sana ini
Magigirumduman na kan Hulyo, hinarang kan supreme court an impeachment trial kan senado huli sa pagbayolar sa probisyon kan pagsasangat nin labi sa sarong reklamo sa laog nin sarong taon.
Kan Pebredo, isinangat man an impeachment kay VP Duterte sa Kamara huli sa mga reklamong graft, corruption asin assasination plot laban kay President Ferdinand Marcos.
