Sinugo kan Kataas-taasang Hukuman an House of Representatives, House Committee on Justice, Senado asin iba pa na magsumiter kan saindang kumento mapadapit sa petisyon may kinaaraman sa hearing kan ‘impeachment’ laban kay Vice President Sara Duterte.
Sa nangyaring En Banc Session kan Korte Suprema, nagluwas ini nin kasuguan nganing pasimbagon an mga respondents sa laog kan sampulong aldaw puon kan pagkaresibe nin abiso.
Mantang pinagsaro na man kan korte ang mga kaso o petisyon na isinunad ninda Atty. Israelito Torreon, Vice President Sara Duterte asin iba pa laban sa House Justice Committee asin Mababang Kapulungan kan Kongreso.
Mantang may lakdang na ginibo an Korte Suprema, dae ini nangangahulugang pigtawan an kahagadan kalakip sa petisyon.
Saro kaya sa kahagadan na nakapalaog sa petisyon an pag-iisyu nin ‘Temporary Restraining Order” nganing pugulan an komite o kamara sa hearing kan ‘impeachment complaints’.
Pigkuwestiyon sa mga petisyon ang pagiging naaayon sa Konstitusyon kan nacion an mga ginibong aksyon kan komite mapadapit sa ‘impeachment’ laban sa bise presidente.
