Naglalaom an gobierno kan Amerika na mahupa na an agresibong mga aksiyon sa West Philippine Sea.
Kasunod ini kan nagin banggaan sa pagultangan kan duwang barko mismo kan China mantang pigporbaran na iharang an barko kan Pilipinas sa Scarborough Shoal kan Lunes, Agosto 11.
Nagpahayag nin pagkahandal an Amerika sa paagi ni US Ambassador to the Philippines MaryKay Carlson sa collision incident asin naglalaom na maserbing “watershed event” ini na pwedesir mag-abot sa paghupa kan mga agresibong aksiyon sa WPS.
Nilinaw man kan US envoy an pagdedeploy kan duwang barkong panggyera kan US Navy na USS Higgins asin USS Cincinnati harani sa Panatag Shoal (Scarborough Shoal) sarong aldaw makalihis an banggaan kan mga barko kan China sa lugar.
Ipigsurog ni Ambassador Clarkson an nagin lakdang kan US Navy bilang parte kan saindang freedom of navigation operations (FONOPs) sa rehiyon.
Susog sa US envoy, committed an US military sa pag-operate sa himpapawid, kadagatan o saen man na pigtutugutan kan international law.
Inomaw man kan US envoy an propesyunalismo kan PCG makalihis na magtangro nin tabang sa nadestrosong barko kan China kasunod kan banggaan alagad nagpahayag man nin pagkadismaya an US envoy sa padagos na pagsagibo kan lado kan China nin illegal, coercive, aggressive asin offensive activities.
