LEGAZPI CITY-Nairido an sarong tawohan kan Hukbong Dagat kan Pilipinas makalihis pukpukon sa payo kan mga tawohan kan China Coast Guard (CCG) nin baton mantang pig-kompronta sa Ayungin Shoal sa West Philippine Sea ngonian na aldaw nin Lunes Hulyo 20.
Segun sa Armed Forces of the Philippines (AFP), na sarong CG rigid-hull inflatable boat (RHIB) na igwang lunad na walong tawohan hale sa barkong CCGV 21560 an ilegal na nagrani sa BRP Sierra Madre, an outpost kan militar kan Pilipinas na nakadaong sa Ayungin Shoal.
Nai-report man na nag-ikot an bangka kan CCG sa lugar mantang nagkukuwa nin mga ladawan asin video, na nagbusol sa duwang rubber boat kan AFP na “kalmadong” itaboy an mga ini sa parayo sa lugar.
Sinabi kan AFP na agresibong tumugon an mga tawohan kan China sa paagi kan pagrapas sa payo kan saro nindang tawohan kan PCG gamit an kahoy na baton,
Naraot man kaini an saro sa mga boat kan Hukbong Dagat.
Tulos man na natawanan nin atensyong medikal an nasabing nasabing personahe.
Mientras tanto, kinondena naman kan AFP an “agresibong aksyon asin pag-atake” kan CCG asin sinabing “nagpapahiling ini nin tahasang pagsasawarang bahala sa kaligtasan, peligro sa buhay kan mga tawohan asin danyos sa tensyon sa West Philippine Sea.”
