LEGAZPI CITY-Pig-aaram na kan National Bureau of Investigation (NBI) asin Philippine National Police (PNP) an posibilidad na “staged” o igwang naganap na sabwatan sa insidente sa laog kan Senado.
Pignegaran man kan NBI na kumpirmahon an parte kan nasabing spekulasyon asin iginiit na parte ini kan padagos na imbestigasyon.
Segun kay NBI Director Melvin Matibag, nakatutok an saindang pagbusisi sa mga factual evidence mantang nakikipagtabangan an PNP sa pag-imbestigar sa 20 personalidad na presente sa nasabing lugar.
Pigbusisi naman ninda an mga kuwa sa CCTV asin mga basyo nin bala na narekober sa insidente.
Tinawan doon man ni Matibag na dai pa sinda pwedisir na magpaluwas nin anumang konklusyon mantang nagpapadagos an imbestigasyon, alagad sinierto niyang isasapubliko an resulta sa oras na ini matapos.
Kinumpirma man ni PNP Chief Lt. Gen. Nartatez Jr. na an NBI an nangenot sa nasabing imbestigasyon.
Sa presente, pigtutukoy na kan mga otoridad an igwang mga bitbit na armas asin mga nakatalagang security forces sa laog kan Senado.
Kaiba sa mga isinairarom sa accounting an mga tauhan hale sa Office of the Sergeant-at-Arms (OSAA), Security Police Security and Protection Group (PSPG), asin Armed Forces of the Philippines (AFP), partikular an mga miyembro kan Philippine Marines.
Segun ki Nartatez, nasa 20 indibidwal na an natukoy asin nakapanayam na ninda an OSAA asin NBI.
Ikokompara kan mga imbestigador an mga pahayag kan mga saksi sa mga pisikal na ebidensyang nakuha, kaiba an mga basyo kan bala asin mga kuwa hale sa CCTV footage sa lugar.
