LEGAZPI CITY – Nakaresibi nin parangal an Gobierno Lokal kan Legazpi sa isinagibong 13th Salud Bikolnon Award na inorganisar kan Department of Health.
Nasa labi baynteng ciudad asin municipalidad na hale sa mang iba-ibang provincia an nakarisibe nin award partikular na an Legazpi, Jovellar, Libon, Malinao, asin Polangui sa Albay.
Nakaguno man nin award an provincia kan Camarines Norte, Camarines Sur, Masbate, Sorsogon asin Catanduanes.
Segun kay Legazpi City Mayor Alfredo Garbin Jr. sa intrevista kan Bombo Radyo Legazpi na kaiba an Ciudad sa nagin resipyente nin award para sa Disaster Risk Reduction and Management in Health Institutionalization.
Nagseserbing patunay an award na ini sa mga kaigusan asin trabaho na pigtatao kan mga health workers sa syudad.
Pigtawan doon man kaini an importansya kan pagpaparani sa publiko partikular na an mga indigent patients kan mga serbisyong medikal nganing magkaigwa an mga ini nin access sa mga pangenot na bulong na saindang pigkakaipuhan.
Pigdugang man ni Garbin na sa paagi kan selebrasyon asin recognition na saindang naresibe, natatawan man nin onra an mga tawo sa likod kan pagpreparar sa mga kalamidad lalo na an mga nasa sektor kan salud.
