LEGAZPI CITY- Nilinaw kan Social Security System na for approval pa an calamity loan na io-ofresir para sa mga miyembro kan ahensya na naapektaran kan bagyong Kristine.
Marurumduman kaya na pigsairarom na sa state of calamity an nagkapirang mga provincia sa rehiyong Bicol huli sa epekto kan nasabing raot nin panahon.
Segun ki Social Security System Legazpi spokesperson Jeanette Mapa sa intrevista kan Bombo Radyo Legazpi na naghahalat pa an ahensya nin anunsyo hali sa national office kun tutugutan ng makapag ofresir nin calamity loan.
Paramientras, pinayuhan kan opisyal an mga miyembro na aprobitsaran muna an salary loan.
An maximum na loanable amount kan sarong miyembro an nasa P40,000 para sa salary loan.
Pinayuhan man kan opisyal an mga miyembro kaini na magparehistro sa saindang online website ngani na mas magin madali an proseso kan mga transaksyon.
Mientras tanto, enkasong maaprubaran an calamity loan nasa P20,000 an pwedesir na maresibe kan sarong miyembro kan ahensya.
