LEGAZPI CITY—Preparado na ngunyan an barangay council kan Buraguis, Legazpi City para sa pagruso nin mga deboto sa Our Lady of Guadalupe Shrine Station of the Cross kan nasabing barangay.
Segun ki Barangay Buraguis, Legazpi City Administrator Pablo Barcelon Jr., sa intrevista kan Bombo Radyo Legazpi, nagkukundusir sinda nin paglinig sa mga main road, eskinita sa lugar; siring man na igwa na man nin schedule an mga personahes na nakatalaga puon ngunyan na Huwebes hasta sa Sabado, Abril 4.
Piglalaoman man niya na dakol na deboto an mabisita sa lugar puon ngunyan na Huwebes Santo.
Nagpagiromdom man si Barcelon sa mga mawot na mabisita sa saindang barangay na magdara nin tubig asin payong huli kan init kan panahon.
Pig-asigurar man niya na igwa sindang medical kits en kaso man may dae piglalaomang insidente.
