LEGAZPI CITY- Maduong kinondenar kan sarong grupo nin transportasyon an padagos na paglangkaw kan presyo kan produktong petrolyo.
Ini an katakod kan liwat na pagpapaotob nin oil price hike ngunyan na aldaw nin Martes.
Segun ki PISTON President Mody Floranda sa intrevista kan Bombo Radyo Legazpi na labing kadifisilan na an namamatean kan mga jeepney drivers huli sa krisis sa langis.
Pagbuyagyag kaini na igwang mga drivers na haros P100 hasta P200 na sana an naiuuli na ganansya sa saindang pamamasada.
Igwa suboot na mga pagkakataon na labi na sa P3,000 an nakokonsumo para sa krudo urualdaw.
Mientras tanto, tinuyaw man ni Floranda an mabantol na paggamit kan emergency powers na iginawad ki Presidente Ferdinand Marcos Jr. ngani na mapababa kuta an presyuhan kan langis.
Sa presente wara suboot na malinaw na polisiya kun papano gagamiton an nasabing emergency powers.
