LEGAZPI CITY-Namaaram na sa edad na 25-anyos an South African midfielder na si Jayden Adams.
Si Adams nagkawat sa tulong South African group games sa FIFA World Cup.
Nakaabot sinda sa knockout stage bago nadaog sa mga co-host na Canada sa round of 32.
Dai pa malinaw kun ano an nagin kawsa kan pagkagadan kan 25 anyos na footballer.
Naglansar nin imbestigasyon an mga kapulisan kan South Africa.
An bangkay ni Adams nakua sa Schotschekloof, Cape Town kan Sabado nin pagkaaga.
Sinabi man ni Gayton McKenzie an minister of sports, arts and culture kan South Africa na labi sindang nabigla asin namundo sa nasabing pangyayari.
Naglalaom siya na madali nang maaraman kan mga otoridad an kawsa kan pagkagadan kan joben na football player.
