LEGAZPI CITY-Nao-ogma an Canada matapos makuwa kan saindang pambansang koponan an kaenot-enoting pagkagana sa FIFA World Cup laban sa Qatar, 6-0, sa BC Place, Vancouver.
An makasaysayang trayumpo an nagpasiklab kan pambansang selebrasyon poon sa mga ciudad hasta sa sikat na landmark kan nacion arog kan Niagara Falls.
Sa laban, pinangenotan ni Jonathan David an koponan sa paagi kan hat-trick, mantang nagdagdag sa mga goal sinda Cyle Larin asin Nathan Saliba, kaiba an sarong own goal hale sa Qatar.
Duwang red card an ipigtao sa Qatar na nagkawat nin kulang sa tawo, rason ngani mas orog pang maglamang an Canada.
Kasabay kan trayump, rinibong fans an nagtiripon sa Niagara Falls para sa viewing event.
An pagkagana kaini pigkokonsiderang makasaysayan huli ta enot na pagkakataon na nakapagrehistro nin trayumpo an Canada sa World Cup makalihis an saindang debut kan 1986 asin liwat na makilahok kan 2022 na parehong warang gana.
Afuera sa pagtatao nin pambansang pride, laoman na magdadara ini nin mas mahewas na interes sa football sa bansang tradisyunal na nakatuon sa ice hockey asin baseball.
An Canada, nakapagrehistro nin makasaysayang enot na gana sa FIFA World Cup, na nagtao nin bagong sigla sa football asin naglatag nin paglaom na makalaog sa knockout stage sa enot na pagkakataon.
