Legazpi City- Naging matuninong man an sitwasyon sa katinampuhan makalihis an isinagibong duwang aldaw na Commencement Exercise sa Bicol University na isinagibo kan June 24 hasta 25, 2025.
Sa intrevista kan Bombo Radyo Legazpi kay Octavio Rivero, an pamayo kan Legazpi City Public Safety Office, naging masinunod man an mga may kagsadiri kan mga vihekulo na nag-atinder sa 55th Commencement exercise na kung sain sa laog na mismo kan unibersidad nagarada kan saindang mga behikulo.
Maogma man na tigheras kan opisyal na daeng nairehistro na na-wheel clamp huli sa dae nang nakaparada na mga behikulo sa luwas asin sa mga katinampuhan.
Dae na man nairehistrong paggabat kan trapiko asin nasunod man an saindang plano para sa marhay na dalagan kan trapiko sa tinampo asiring sa Bicol University.
Base man sa obserbasyon kan opisyal maikukunsidirar na Generlly peaceful an naging dalagan kan duwang aldaw na seremonya kan pagtatapos sa Bicol University.
Mientras tantoliwat na nagpagirumdom an opisyal sa publiko manungod sa paglikay sa tinampo makalihis an nairehistrong naagkapirang mga aksidente sa katinampuhan sa palibot kan Cuidad nin Legazpi
