LEGAZI CITY-Matrayumpo an isinagibong protesta kan manlain-lain na progresibong grupo bilang pagselebrar sa Labor Day sa ibong kan diit na tensyon.
Segun ki Condor Piston Bicol President Ramon Rescovilla, sa intrevista kan Bombo Radyo Legazpi na naipadagos ninda an saindang programa sa ibong kan pagsabay sainda kan suboot mga rebel returnee na nagsasabing panlilinlang an saindang protesta.
Sinabi ni Rescovilla na sa ibong kaini, dai na ninda pinatulan asin nagpadagos sa saindang mga programa para sa ika-126 na pagselebrar kan “Kaarawan ng manggagawa”.
Dai man suboot ini nagin ulang sa saindang mga programa huli ta igwa sindang permit.
Sa huri, natapos an saindang protesta nin warang komosyon asin kariribukan.
Nasa 200 na indibidwal an nakisumaro sa protesta mantang target kuta ninda an 250 na katawo para sa nasabing aktibidad.
Padagos man an saindang pangapudan laban sa kontraktuwalisasyon sa rehisyon hasta sa dai pigpapaotob an nasa P1,200 na family living wage sa mga obrero
