LEGAZPI CITY-Nagbuga nin dakulang volume nin abo an Bulkang Mayon kasudma nin hapo, aldaw nin Sabado, Mayo 2, 2026.
Segun kay Philippine Institute of Volcanology and Seismology Director Dr. Teresito Bacolcol sa intrevista kan Bombo Radyo Legazpi na nangyari ini bandang alas 4:28 sa hapon kun sain nagluwas nin dakulang volume kan Pyrcolastic Density Currents (PDCs) o Uson.
Huli ini sa lava effussion sa summit kan Bulkan kun kaya nagkaigwa nin collapse asin nag-generate nin PDCs partikular na sa Mi-isi Gully sa South Western Slopes kaini.
Pigkakarkulong nagabot sa 4km an iniluwas na abo kan Bulkang Mayon, kun kaya nahiling an dakulang volume kaini.
Dagdag pa kan opisyal, na ini an pinakadakulang volume kan PDCs na na-generate kan Bulkang Mayon poon kan enot na eruption kaini.
Pagirumdom man sa gabos na nagtetenir harani sa lugar na delikado kun mag-abot an abo sa 6km orog na sa salud kan mga kababayan.
Sa ngonian, pinagiingat an gabos asin mahigot na ipinagbabawal an paglaog sa 6km permanent danger zone mantang nagtetenir sa alert level 3 an Bulkang Mayon.
