LEGAZPI CITY-Nag-agi sa operasyon an Singer na si Jessie J makalihis na ma-diagnose na igwang breast cancer.
Sa sarong post, an Briton na parakanta naghiras nin sarong update mapadapit sa saiyang salud, kaiba an inapod niyang “honest lows and highs of the last 48 hours”na saiyang pinag-agihan.
Naghiras man siya nin sarong ladawa hale sa ospital kaiba an saiyang partner na si Chanan Colman asin an saindang aking lalaki na si Sky.
Sinabi ni Jessie na ipapahiling niya pirmi an mga marhay asin masakit na parte kan anuman na pagbaklay na saiyang inaagihan.
Nagpapasalamat man suboot siya sa saiyang doktor asin surgeon asin sa gabos na mga nars na nag-ataman sa saiya, asin sa gabos niyang pamilya.
Dugang pa ni Jessie, nagpapahingalo na siya ngonian sa harong asin naghahalat na sana kan resulta.
Ihinayag man niya na siya mawawara muna siya nin diit na panahon makalihis kan Summertime Ball ngani mag-agi sa breast surgery.
Susog sa datos gikan sa World Health Organization (WHO), pigkakarkulong 2.3 milyon na mga babae sa bilog na kinaban an igwa nin breast cancer, asin mga 670,000 an nagadan kan 2022.
Sa Pilipinas, saro sa kada apat na Pilipina an nagkakaigwa nin breast cancer, segun sa Asian Breast Center, kaya an Pilipinas saro sa mga nacion na igwang pinakahalangkaw na insidente nin breast cancer sa bilog na kinaban.
