Tinuyaw ni Senate President Vicente “Tito” Sotto III si Senator Ronald “Bato” dela Rosa huli sa pag-absent kaini sa session.
Si dela Rosa an sinugo na magdepensa sa propwestong 2026 budget kan mga pangenot na security agencies sa nacion.
Sinabi ni Sotto na poon pa kan Nobyembre 11 kan nagbalik an session kan Senado an dae na nag-atendir si dela Rosa.
Dae man giraray ini nagpaaram saiya asin warang anumang ugnayan poon pa kan nagkaigwa nin break nin labing sarong bulan.
Huli digdi sinalo na ni Senator Sherwin Gatchalian an papel ni Dela Rosa nganing idiskotir ang budget kan mga ahensiya siring kan Department of National Defense (DND), Philippine Drug Enforcement Agency (PDEA), the National Intelligence Coordinating Agency (NICA), asin National Security Council (NSA).
Magigiromdomang dae na nag-atendir sa mga sesyon poon kan ibuyagyag ni Ombudsman Jesus Remulla na igwa ining kapot na digital copy kan warrant of arrest ni Dela Rosa na gikan sa International Criminal Court (ICC).
