LEGAZPI CITY—Naarestar an sarong indibidwal sa pinagsarong operasyon kan Tabaco City Police Station asin Philippine Drug Enforcement Agency Region 5 sa ciudad kan Tabaco, Albay.
Segun ki Tabaco CPS PIO PSSG Elaine Adriano, sa intrevista kan Bombo Radyo Legazpi, an suspetsado sarong 28-anyos asin naarestar sa Purok 4, Barangay San Roque kan nasambitang ciudad.
Nakumpiskar sa suspetsado an walong pidaso nin pinagtutubudang shabu asin may gabat na 1.79 gramos.
Mientrastanto, nangapudan man an opisyal sa publiko na en kaso may naaraman na impormasyon mapadapit sa mga transaksyon nin droga na dae matakot na mag-report sa mga otoridad.
