LEGAZPI CITY-Target ngonian na magkaigwa nin two lanes na tinampo an pigsasagibong road reblocking sa Brgy. Bigaa, Legazpi City bilang paghahanda sa ruso kan mga biyahero pag-abot kan semana santa.
Paramientras man na pupunduhon an pagsasaayos kan tinampo ngani magkaigwa nin two lanes asin dai makadagdag sa gabat kan trapiko.
Segun kay Kap Koko Arienda sa intrevista kan Bombo Radyo Legazpi na basado sa saindang pinagolayan na si-sementuhon an mag-inibong na linya asin pag-abot kan Marso 20 mapundo muna sa patrabaho para sa semana sanata.
Mahalat man suboot nin sampulong aldaw ngani makaagi an mga heavy equipment ngani dai na magkaigwa nin traffic.
Sinabi ni Arienda na paspasan an patrabaho asin padagos an pag-monitor digdi ngani pag-abot petsa 27 kan Marso makaagi na na mga behikulo sa mag-inibong na dalan.
Piglalaoman kan opisyal na matapos tulos an tinampo ngani dai na maabutan pa nin bulan asin masolusyonan an trapiko sa lugar.
Mientrastanto, magkakaigwa man nin mga doctor na ma-duty sa Barangay Health Center kan Brgy. Bigaa, Legazpi City ngani na matawanan nin serbisyo an mga residentes.
