Pinahiwas kan National Food Authority (NFA) an saindang rice buffer stock sa poco mas o menos 7.17 milyong sako kan bagas kun sain iyo ini an pinakahalangkaw poon kan 2020.
An pagtaas na ini an bunga suboot kan mas halangkaw na presyo kan pagbakal nin paroy hale sa mga lokal na paraooma, na uminabot sa P27 kada kilo kan nakalihis taon asin nasa P24 kada kilo ngonian na taon.
Sa ibong kan dakulang imbentaryo, may bastante pang pondo an ahensya nganing bumakal nin kadugangang 500,000 metric tons nin paroy na katampad nin 6.3 milyong sako kan bagas.
Segun sa pinakabagong datos, P2.6 bilyon pa sana an nagastos hale sa kabilugang P14.6 bilyong pondo para sa procurement.
Kasabay kaini, pig-upgrade kan NFA an saindang mga pasilidad nganing makapag-imbak nin hasta 555,000 metriko tonelada nin bagas, alinsunod sa bagong mandato sa irarom kan Rice Tariffication Law na nagbubugtak nin 15-aldaw na national rice buffer stock.
 has expanded its rice buffer stock to approximately 7.17 million sacks of rice, the highest since 2020.){kind=link}