LEGAZPI CITY-Sinabi kan Kabataan Partylist Representative na an nangyaring pag-protesta laban sa pamilya Discaya, kun sain tinapukan nin mga dugi asin pintura an harong kaini, an sarong pag-exhibit sa freedom of expression, right ot organize asin dai nakakulog nin sisay man.
Segun kay Kabataan Partylist Representative Congresswoman Renee Co, sa intrevista kan Bombo Radyo Legazpi, na nasasabutan niya an pag-protesta kan mga ini, orog na sinda an sarong environmental group kun sain sinda an argabyado sa mga nangyayari sa flood control project.
Nasasabutan man suboot niya an dagit asin pagkamundo huli sa naibuyagyag na mga pagprotekta sa pagbabaha, krisis sa klima, asin an pinakaraot pa kaini na an Pilipinas an nagigin behikulo sa kurapsyon kun sain bilyones an pigbubugtak na mga pondo, alagad sustandard asin an iba pa digdi an ghost project sana.
Dagdag pa ni Co, na dai natatamasa an dapat na pondo, na mismong taumbayan an nagbabayad nin buwis, kun kaya nasasabutan niya an dagit kan grupo asin an paglaom kaini na magkaigwa nin paninimbagan sa lado kan gobierno kun sain dapat an pondo an dai nagigin cycle sana kan kurapsyon asin pigsasagibo bilang sarong proyekto.
Dugang pa niya na an pagtapok nin mga dugi kan grupo, an para sa pagbabalik sa Discaya kan gabos na mga nabuong dugi sa kada harong o magin sa pulitika, huli sa an mga proyekto an ginibong paagi ngani sinda makapag-ganansya gamit an saindang kapangyarihan, asin pig-iisip sana an mga sadiri ngani makasamsam nin bilyones na mismong expenses kan pamumuhay kan publiko.
Sinabi man kan Kabataan Partylist Representative na kumpara sa dugi asin pintura sa gate ninda, an dai nakakulog nin tawo, alagad an ginibo kan mga Discaya an nakakulog sa kadakol na tawo kun sain nagkaigwa nin pag-monopolyo kan mga flood control projects.
