LEGAZPI CITY — Nanghihinayang an Department of Tourism (DOT) Bicol na nakanselar na an enot na plano na pagpasiring kuta kan Miss Universe beauties sa probinsya kan Albay asin Masbate.
Sa intevista kan Bombo Radyo Legazpi ki DOT Bicol Regional Director Benjamin Santiago, nagbago na an plano kan ahensya sa mga lugar na bibisitahon kan mga kandidata sa pagpasiring kan mga ini sa Pilipinas.
Segun sa opisyal, nagbaba nin memo an ahensya kun sain nakalaag digdi na kaibanan sa mga papasyaran kan mga beauty queens an Palawan, Batanes, asin Zamboanga alagad makalihis sana an nagkapirang aldaw, binago nanaman ini kun sain an saindang pinal na destinasyon iyo an Batanes, Bohol, asain Camiguin.
Pagbuyagyag kan opisyal na sa orihinal na plano ni DOT Secretary Arthur Tugade, mawot kaini na makaiba an Bicol region ngani na matawan nin pansin an rehiyon.
Mientrastanto, sinierto man ni Santiago na dakol pang mga international events an gigibuhon sa rehiyon sa mga masunod na aldaw.
Marurumduman na inanunsyar kan Miss Universe Organization (MUO) an pagpasiring sa nasyon kan Top 16 finalists kan Miss Universe 2017.
