LEGAZPI CITY – Pigreconocer an Police Regional Office 5 (PRO5) bilang Best Police Regional Office sa bilog na nacion kasabay kan pagselebrar kan ika-121st Police Service Anniversary (PSA).
May tema ining , “Matibay na Ugnayan ng Pulisya at Mamamayan, tungo sa Pagkakaisa, Kapayapaan at Kaunlaran” na ginibo sa Multi-Purpose Center, Camp BGen Rafael T. Crame, Quezon City.
Personal na niresebe ni PRO5 Director PBGen. Mario Reyes an nasabing honra hali mismo ki Presidente Ferdinand Marcos Jr.
An pagkakapili sa PRO5 bilang Best Police Regional Office sa 17 Police Regional Office sa nacion, indikasyon nin pambihirang operational asin administrative accomplishments na nakapagtao nin mga importante asin epektibong paagi ngani na magin matibay an kooperasyon kan PNP asin komunidad para sa katrangkiluhan asin kauswagan.
Ipigseselebrar an PSA bilang pagcomemorar sa joint founding anniversaries kan Insular Constabulary kam 1901 asin kan Integrated National Police kan 1975.
