Duwang scenario an pigbabantayan ngunyan para sa presyuhan kan produktong petrolyo sa masunod na semana.
Makalihis kaya an duwang magkasunod na rollback, pinag-aantisiparan ngunyan an panibagong paglangkaw sa presyo o posibleng warang magin pagbabago basado sa pagkakarkulo kan oil industry.
Enkaso man na magpaotob nin paglangkaw posibleng magdugang nin nasa 40 sentimos hasta 90 sentimos sa kada litro kan gasolina.
Pighihiling man na warang magigin adjustment sa diesel o posibleng maglangkaw nin 40 sentimos kada litro.
An kerosene man an posibleng maglangkaw nin 20 sentimos kada litro o warang magin adjustment.
Komon na pig-aanunsyar an pinal na presyuhan kada aldaw nin Lunes asin pigpapaotob tuyong aldaw nin Martes.
