LEGAZPI CITY-Posibleng magbaba an presyo kan diesel asin kerosene mantang laoman na malangkaw an presyo kan gasolina sa masunod na semana, basado sa paghiro kan pankinabang merkado sa enot na tulong aldaw kan trading.
Basado sa inisyal na pagtaya, posibleng magkaigwa nin rollback na ₱5.20 kada litro sa diesel asin ₱6.70 kada litro sa kerosene.
Mientras tanto, laoman na malangkaw nin ₱2.00 kada litro an presyo kan gasolina.
Segun ki Leo Bellas president kan Jetti Petroleum, posible pang maglangkaw an bawas-presyo sa diesel asin kerosene depende sa hiro kan merkado sa natatadang duwang aldaw kan trading.
Paliwanag kaini na naglangkaw an presyo kan gasolina huli sa paglangkaw kan demand kasabay an pagpoon kan driving season sa Northern Hemisphere.
Dagdag pa niya, huli sa mas halangkaw na demand sa gasolina, naglalangkaw man an risk premium cost kaini kumpara sa diesel.
Marurumduman na kan nakaaging semana, parehong naglangkaw nin labi ₱2 kada litro an presyo kan diesel asin gasolina sa nacion.
