Malalaoman kan mga motorista an kakarampot na tapyas sa presyo kan produktong petrolyo sa masunod na semana.
basado sa apat na aldaw na trading, pinag-aantisiparan na magkakaigwa nin hasta sa 30 sentimos na taypas sa kada litro kan gasolina.
An diesel man an magkakaigwa nin rollback na nasa 20 sentimos hasta 50 sentimos kada litro mantang an kerosene an may tapyas na nasa 10 sentimos hasta 25 sentimos kada litro.
Segun sa Department of Energy-Oil Industry Management Bureau na resulta ini kan pagbaba kan OPEC production kan Enero.
Komon na pig-aanunsyar an pinal na presyuhan kada Lunes asin pigpapaotob tuyong aldaw nin Martes.
