LEGAZPI CITY- Pigkokunsiderar kan sarong grupo nin transportrasyon sa provincia kan Sorsogon na welcome development an panibagong rollback sa presyo kan diesel na nakatalaan na ipaotob sa aga, Abril 28.
Segun ki Sorsogon Integrated Transport Federation President Ramon Dealca sa intrevista kan Bombo Radyo Legazpi na maski papano, makakatabang sa mga drivers an nakatalaan na tapyas sa presyo kan langis.
Paliwanag kaini na an maski sadit na kantidad sana an rollback sa diesel, makakadugang na man sa ganansya kan mga drivers an matitipid sa pagkaka krudo.
Mientras tanto, napag-araman na nagkaigwa man nin meeting an Land Transportation Franchising and Regulatory Board (LTFRB) Bicol sa transport sector kun sain napag-olayan an dapit sa asistensya na itatao sa mga jeepney drivers.
Sinabi suboot kan ahensya na pigsasapinal pa an nagkapirang detalye antes na maipaluwas an fuel subsidy.
Tinuyaw man kan grupo an mabantol na hiro kan gobierno huli ta dapat suboot na pighihidali an ayuda para sa lado kan transportasyon, urog pang sinda an pangenot na apektado kan krisis sa langis.
