Dae madadagos an nakatalaan kutang pagbyahe ni Pope Leo XIV sa Assisi, Italy sa maabot na semana segun sa abiso kan saiyang doktor kasunod kan pagpaparahay niya hale sa nakalihis na operasyon sa baga.
Nakatalaang kutang magbisita sa maabot na Martes an Santo Papa kasunod kan pag-obserbar kan ika-40 na anibersaryo kan World Day of Prayer for Peace ni St. John Paul II.
Segun sa Vatican, inabisuhan kan mga doktor an Santo Papa na dae muna magbiyahe nganing mas makapagpamaray hale sa nakalihis kaining operasyon laban sa lung cancer asin imbes an magpadara na sana nin mensahe sa mga tagapamahala kan pagtitipon na maatendir sa “Disarmed and Disarming Peace” na programa kaini.
Mientrastanto, ipigheras man kan Vatican na padagos asin marikas an pagpaparahay kan Santo Papa pagkukumpirma kan maray na resulta kan follow-up chest X-ray kaini kun kaya inendorso kan mga doktor na ipag-octaba muna kaini an paglunad sa helikopter pasiring sa Assisi.
Sa Nobyembre, nakatakda man si Pope Leo XIV na bumyahe sa Latin America para sa saiyang papal visit sa Uruguay, Argentina, asin Peru.
