Sinierto ni Philippine National Police (PNP) chief General Jose Melencio Nartatez Jr. na an siisay man na nagkakanlong asin nagtatago ki Senator Ronald ‘Bato’ Dela Rosa an susunadan ninda nin kaso.
Segun sa PNP chief na magpapadagos an saindang pigigibong paghahanap sa puganteng senador.
Paliwanag kaini na gabos na mga ugos na persona o mga posibleng nakaibanan kan senador an pigduduman ninda asin pigkakaolay ngani na maaraman an lokasyon kan senador.
Marurumduman na enot nang inanunsyar ni Department of Interior and Local Government (DILG) Sec. Jonvic Remulla na igwa sindang ipigtagama na P50 million na pabuya para sa tulos na pagkaka arestar kan senador.
“We have given him all the courtesy that can be afforded as a senator of the Republic of the Philippines, but he showed nothing but cowardice by going into and remaining in hiding. Senator Bato mistook my gesture of negotiation as a sign of weakness,” pahayag ni Sec. Remulla sa sarong press conference.
Mientras tanto, nagtao man si PNP chief Nartatez nin ultimatum ngani na magsurendir nin kusa an senador antes an gigibuhon nindang matiding operasyon para sa pagkaka arestar kaini.
