LEGAZPI CITY—Nag-deploy an PNP Bicol nin kadugangang 100 na mga kapulisan sa provincia kan Masbate para sa napaparaning eleksyon sa Mayo 12, 2025.
Segun ki Masbate PPO PIO PCPT Estrella Torres, sa intrevista kan Bombo Radyo Legazpi, na ipig-deploy an 50 kapulisan sa mainland Masbate mantang 50 man an nai-deploy sa Burias Island.
Sinabi kaini na nag-deploy sinda nin 50 kapulisan sa Burias Island huli na man ta harayo ini sa mainland Masbate asin ngani mas mapakusog pa an presensya kan kapulisan sa isla, siring man na tulos marespondehan an ano man na dae piglalaomang insidente.
An nasabing lakdang iyo ngani na mas pahigoton pa an seguridad sa manlaen-laen na lugar sa provincia.
Mientrastanto, sinabi ni Torres na preparado na man an Masbate PNP ngani na magin maayos asin matoninong an pagsagibo nin eleksyon sa lugar.
