Ipighayag kan sarong eksperto hali sa National Bureau of Investigation (NBI) na may mga pagdududa sa nagkapirang acknowledgement receipts na ginamit bilang patunay sa confidential funds kan Office of the Vice President (OVP) ni Vice President Sara Duterte.
Sa pagdangog kan House justice committee, sinabi ni forensic document examiner Carolyn Moldez-Pitoy na sa 36 na resibong saindang ininspeksyon, igwang mga pagkakataon na an mga dokumento na nakapangaran sa manlain lain na tawo an maririsa na igwang pagkakapareho an surat asin pirma.
Kaibanan sa mga halimbawa an mga resibo na nakapangaran kinda “Sheila Dado” asin “Sally Rendon,” na segun sa eksperto an igwang pagkakapareho an istilo sa pagsurat.
Igwa pang ibang grupo nin mga resibo na nakapangaran kinda “Jason Bitangcol,” “Selsa Arojable,” “Samson Samuel,” asin “Sabel Salazar” na may kaparehong handwriting characteristics.
Segun pa sa NBI, igwang nagkapirang petsa sa mga resibo na posibleng isinurat man kan sarong persona, basado sa pag-aadal kan saindang handwriting patterns.
Sinabi kan eksperto na basado sa pag-aadal kan orihinal na kopya na kapot kan Commission on Audit (COA), may mga grupo nin acknowledgement receipts na posibleng naghali sana sa sarong personang nagsurat.
Ang House Justice Committee an nagsagibo nin pagdangog sa impeachment complaints kontra ki Vice President Sara, na kaibanan sa mga pigtukar an salang paggamit nin confidential funds.
