LEGAZPI CITY – Dae pa pigkokonsidera kan Bureau of Fisheries and Aquatic Resources (BFAR) Bicol an pagpapa-otob nin closed fishing season sa mga kadagatan kan rehiyon.
Segun ki BFAR Bicol Fisheries Management and Enforcement Division Chief Junalin Barcellano sa intrevista kan Bombo Radyo Legazpi na dae ninda nahihiling na magpa-otob nin closed fishing season sa Fisheries Management Area 7 o an sarong partikular na fishing area na sakop an kadagatan sa Bicol, Calabarzon, asin Eastern Visayas.
Afuera sa sitwasyon kan kadagatan, pighihiling man ninda an magigin futuro kun sain may mga areas nang nagpa-otob kaini huli sa padagos na pagkulang sa supply kan sirang tamban na kalimitang October sagkod January an breeding season.
Importante suboot na halaton muna an mga sira na makapagbreed antes dakupon nganing magkaigwa nin mga panibagong mga sira na nagreresulta man sa pagluya kan supply.
Paglilinaw man kan opisyal na pwedesir pa mang makapagsira tuyong may pigpapa-otob na closed fishing season alagad bawal sanang dakupon an ipinagbabawal na sira sa naunambitang peryodo.
Patanid man ni Barcellano enkaso nagluya an supply kan sarong sira sa sarong parte kan kadagatan, dae sana kaini naaapektaran an mga lokal na parasisira kundi pati na an lambang pilipino.
 Bicol is not yet considering the implementation of a closed fishing season in the waters of the region.){kind=link}